Nos Nycolaus de Lecen, Johannes de Blankenfelte, Nycolaus de Botsow, Consules Berlinenses, Omnibus in perpetuum. Quoniam acta priorum posteri retinent difficulter, vtili cautela procuratum est et necesse ut ea, que coram nobis aguntur in scripta perpetua redigantur. Ideoque per scripta presencia ad multorum noticiam peruenire uolentes, quod matura deliberacione et consilio concordauimus cum hiis, qui pertinent ad opus sutorum et magistris eorum, ita uidelicet, quod id quod dicitur Ingynge habeant ex gracia ciuitatis et quicumque prelibatum opus volens acquirere non aquirat nisi prius ex gracia et consilio consulum, Ita quod consules super opus illud sint in plenitudine protestatis. Item nos consules uolumus ad cunctorum eciam noticiam peruenire, qualiter ipsorum opus stari debeat casibus hys subdistinctis. Primo uidelicet protestantes, quicumque predictorum sutorum opus acquisierit, quod III sol. denar. ad ciuitatem pertineant et ad opus et eorum magistros VI sol. minus IV den. cum II talentis cere. Item statuimus, quod predicti sutores nullam habeant, quod dicitur in wlgo morghenspracke, nisi duobus de consilio consulum presentibus, et duobus de sutoribus, qui iurati ad opus eorundem, protestantes omnia que asseruerint possibilia vtilia esse et honesta, ita quoque plectentur ista inter illos. Item quicumque excesserit de aliquo falso opere, ita quod indirecte fecerit calcios, vel qualicumque causa inpossibili uideatur, que ad vsus eorundem et civitatis videbitur esse proficua, si per illam quis excesserit, secundum arbitrium ciuitatis et consulum est plectendus, et id statutum est, quod predicti magistri sutorum tales prodant. Item si quis aduena aliunde veniens uel incola, volens ipsorum opus acquirere, si predicti magistri aliquatenus causa odii, uel aliis aliquibus eosdem volentes in acquirendo impedire, si sint probi et honesti, eisdem consules porrigant, absque eorundem consensu de consilio ciuitatis. Item predicti sutores, scilicet ipsorum magistri, custodiant et illud iurati cautela ad hec adhibita, ne emcio boni, quod dicitur leder, prohibeatur inter illos ad calcios faciendos. Vt igitur hec nostre concessionis denacio rata et impermutabilis perseueret, presentem paginam conscribi iussimus et nostri sigilli appensione eadem roborari. Huius rei testes sunt: dominus Ny. advocatus dictus de Helmstorp et dominus Rutnikus milites et quidam de consulibus veteribus Th. Cult. et Ia. de Lecen, et prefectus de Baruth, et alii quamplures de sociis eorundem. Acta sunt hec anno domini M° C° C° LXXXIIII° VI° Nonas Junii.

[deutsche Übersetzung]

[Fidicin, S. 3]